Shpërndaje në: Deputeti i zgjedhur i Lidhjes Demokratike të Kosovës (LDK), Paris Guri, ka deklaruar se partia do të mbetet e bashkuar, pavarësisht zhvillimeve të fundit brenda saj, duke theksuar se të gjithë duhet t’u nënshtrohen vendimeve të organeve të partisë.
Ai theksoi se edhe ata që iniciuan shkarkimin e kryetarit Lumir Abdixhiku kanë deklaruar se do ta respektojnë çdo vendim që del nga Kuvendi i LDK-së, njësoj siç, sipas tij, është shprehur edhe Abdixhiku. Kuvendi i delegatëve të LDK-së gjatë ditës së djeshme me 170 vota i dha mbështetje Abdixhikut për të mbetur kryetar. 152 ishin kundër.
“Nëse organet e LDK-së, si Kryesia, Këshilli i Përgjithshëm apo Kuvendi marrin vendime, nuk është etike që unë si deputet të mos i respektoj. Nëse shumica vendos për një vendim, unë i nënshtrohem. Kjo është demokracia”, u shpreh Guri në “Interaktiv” të KTV-së.
Duke u përgjigjur ndaj akuzave të të pakënaqurve me Abdixhikun se në tri palë zgjedhje ka dalë i treti, Guri ka thënë se nuk beson se ka pasur votues të LDK-së që kanë pritur që partia të dilte e para në zgjedhje, duke pasur parasysh se proceset zgjedhore janë mbajtur çdo tre ose katër muaj.
Ai shtoi se nuk beson që deputetë e LDK-së do të refuzojnë ta mbështesin partinë në procesin e formimit të institucioneve. Edhe Arbëri Për 77 ditë mandat, mbi gjysmë milioni euro shkuan në paga për deputetët Duke e vlerësuar si proces demokratik atë që ndodhi mbrëmë, megjithatë Guri ka pasur një porosi për disa prej anëtarëve të partisë. “Demokracia është ajo që ka ndodhur mbrëmë.
Por i ka disa nivele edhe demokracia, mos me dalë përtej. Nuk është etike me dal me fy kryetarin e partisë, me i akuzu funksionarët e LDK-së pa asnjë argument”, deklaroi ai.