Alessandro Costacurta, ish-mbrojtësi i Milan-it, foli me SkySport rreth Leao, i cili do të largohet nga Milan-i për te Galatasaray pasi refuzoi Aston Villa-n: “Dy destinacionet tregojnë se kush është Leao në sytë e futbollit europian. Kjo është rruga e tij: është zhgënjyese për mua.
Është për të ardhur keq; ai ka pasur disa momente të shkëlqyera me Milan-in, por në dy vitet e fundit, ka pasur kaq pak prej tyre saqë kuqezinjtë kanë qenë gjithmonë larg majës”. Leao kishte dy oferta në tavolinë: një nga Galatasaray për 12 milionë euro në sezon dhe një nga Aston Villa për 7.5 milionë euro në vit.
Dhe, në fund, kur dukej se klubi anglez kishte epërsinë për shkak të prestigjit të tyre në Premier League, lojtari zgjodhi klubin turk. Për Milani-n, pak gjëra ndryshuan: nga secili klub, kuqezinjtë do të kishin marrë – dhe do të marrin nga Galatasaray – rreth 43 milionë euro.