Një stuhi e fuqishme ka përfshirë Mekën, ndërsa një rrufe ka goditur Kullën ikonike të Sahatit, duke krijuar pamje spektakolare mbi qytetin e shenjtë mysliman. Momenti është kapur nga fotografi Youssef Badjas, i cili publikoi pamjet në platformën X dhe e përshkroi mbrëmjen si “të paharrueshme”.
Në video shihet rrufeja duke ndriçuar qiellin e errët, ndërsa në sfond dominon kulla 601 metra e lartë. Stuhia është dokumentuar edhe nga astronomi saudit Mulham Hindi. Sipas tij, gushti dhe shtatori njihen për aktivitet të shtuar të stuhive në Mekë dhe në pjesët perëndimore të Arabisë Saudite.
Moti i keq përfshiu edhe zonën përreth Xhamisë së Madhe, ku pelegrinët dhe besimtarët u panë duke falur namazin e Jacisë nën reshjet e shiut.
Pamjet e rrufesë që goditi kullën janë shpërndarë me shpejtësi në rrjetet sociale, duke tërhequr vëmendjen e mijëra përdoruesve. الآن صاعقة تضرب #برج_الساعة بمكة pic.twitter.com/423e6pvHC9 — الفلكي مُلهَم هندي (@MulhamH) August 26, 2026 Sinjali – aty ku e vërteta flet para lajmit!