Mohamed Salah është shumë pranë transferimit te Besiktas, ndërsa mediat kanë zbuluar detajet financiare të marrëveshjes që pritet ta mbajë yllin egjiptian në futbollin evropian edhe për dy sezone. Tridhjetë e katër vjeçari i dha fund aventurës së tij te Liverpool një vit para përfundimit të kontratës, pas mosmarrëveshjeve me drejtuesit e klubit dhe ish-trajnerin Arne Slot.
Fillimisht pritej që Salah të transferohej në Arabinë Saudite, por në fund Besiktas doli fitues në garën për nënshkrimin e tij. Në fillim u raportua se sulmuesi do të pranonte një ulje të madhe të pagës, duke fituar rreth dhjetë milionë funte në vit, përfshirë bonuset.
Megjithatë, sipas raportimeve të fundit të mediumit turk “A Spor”, agjenti i tij Ramy Abbas ka negociuar një marrëveshje shumë më të favorshme. Sipas këtyre raportimeve, Salah do të përfitojë një pagë fikse prej pesëmbëdhjetë milionë eurosh në vit, ndërsa bonuset e performancës mund të arrijnë deri në katër milionë euro në sezon.
Kontrata përfshin gjithashtu klauzola të veçanta për të drejtat e imazhit të futbollistit. Në total, marrëveshja dyvjeçare pritet t’i kushtojë Besiktas më shumë se dyzet milionë euro. Raportohet se vonesa në finalizimin e transferimit lidhej me kërkesat për komision nga agjenti i Salah, por palët tashmë kanë arritur një marrëveshje dhe nënshkrimi konsiderohet vetëm çështje kohe.
Madje, sipas raportimeve, sapo të jepet miratimi përfundimtar, Besktas do të dërgojë një avion privat në Greqi për ta marrë Salah, i cili ndodhet ende në pushime pas përfundimit të Kupës së Botës me Egjiptin.