Një aheng familjar në fshatin Kërpimeh të Podujevës ka përfunduar me ndërhyrjen e Policisë së Kosovës, pasi u raportuan të shtëna me armë gjatë mbrëmjes. Sinjali mëson se personat e dyshuar janë Bajram Kastrati (66-vjeç) , Halil Zogjani (74-vjeç) dhe Edison Hajrizi (22-vjeç) .
Sipas burimeve, rasti është raportuar rreth orës , ndërsa njësitë policore kanë dalë menjëherë në vendin e ngjarjes. Gjatë patrullimit, policët kanë dëgjuar vetë të shtëna me armë, çka ka çuar në ndërhyrjen e menjëhershme.
Me urdhër të Prokurorit të Shtetit është kryer kontroll në lokacion, ku janë sekuestruar tri armë: një revolver me gjashtë fishekë; një pistoletë “SIG Sauer”; një armë me gaz e tipit “Blow”. Tre të dyshuarit janë shoqëruar në Stacionin Policor dhe janë intervistuar në prani të avokatëve mbrojtës.
Sipas burimeve, ata e kanë pranuar në tërësi veprën, duke deklaruar se armët i kishin përdorur gjatë një ahengu familjar.
Me urdhër të Prokurorit është iniciuar rasti për veprat penale “Mbajtja në pronësi, kontroll apo posedim të paautorizuar të armëve” dhe “Përdorimi i armës apo mjetit të rrezikshëm”, ndërsa Bajram Kastrati, Halil Zogjani dhe Edison Hajrizi janë liruar në procedurë të rregullt. Rasti mbetet nën hetime.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!