Shpërthimi i Ebolës në Republikën Demokratike të Kongos ka shkaktuar mbi një mijë viktima, ndërsa autoritetet shëndetësore paralajmërojnë se numri real i rasteve mund të jetë shumë më i lartë.
Sipas të dhënave të bëra publike nga zyrtarë shëndetësorë, janë konfirmuar 1,031 të vdekur nga virusi, ndërsa Organizata Botërore e Shëndetësisë vlerëson se përmasat e vërteta të epidemisë mund të jenë dy deri në katër herë më të mëdha sesa raportojnë shifrat zyrtare. Drejtori i Përgjithshëm i Qendrave Afrikane për Kontrollin dhe Parandalimin e Sëmundjeve, Dr.
Jean Kaseya, ka ngritur shqetësimin për mungesën e vaksinave, ilaçeve dhe fondeve për përballimin e situatës. Sipas Ministrisë së Shëndetësisë së Republikës Demokratike të Kongos, deri të hënën janë regjistruar 2,473 raste të Ebolës, ndërsa qindra pacientë vazhdojnë të jenë në izolim ose trajtim në spitale.
Autoritetet shëndetësore po bëjnë thirrje për mbështetje ndërkombëtare, me qëllim frenimin e përhapjes së virusit dhe rritjen e kapaciteteve për trajtim e vaksinim. Sinjali – aty ku e vërteta flet para lajmit!