Portierja Kaylane Silva ankohet qe shtatë muaj nuk ka marrë pagat që i takojnë nga klubi i hendbollit Prishtina (femrat). Ajo ka shkruar në profilin e saj në facebook, se i kërkon paga. Çfarë shkruan në letrën e saj të hapur? “Ka ardhur momenti të flas, sepse heshtja vetëm i favorizon ata që nuk përmbushin përgjegjësitë e tyre. Kanë kaluar 7 muaj dhe ende nuk kam marrë pagat që më takojnë.
Gjatë gjithë sezonit kam marrë vetëm dy paga, dhe edhe ato jo të plota. Kam stërvitur, kam luajtur dhe kam përfaqësuar klubin me profesionalizëm në çdo moment, madje edhe e dëmtuar, duke përmbushur gjithmonë detyrimet e mia. Në fund të sezonit, as bileta ime e kthimit në Brazil nuk u pagua nga klubi. U detyrova ta paguaj vetë për të mundur të kthehesha në shtëpi.
Së fundmi, na u tha se klubi kishte marrë fondet dhe se të gjitha lojtaret do të paguheshin deri të premten, më datë 3. Ky afat kaloi dhe, edhe një herë, asgjë nuk ndodhi. Mesazhet mbeten pa përgjigje, nuk jepet asnjë shpjegim dhe nuk tregohet as respekti më i vogël për lojtaret që dhanë gjithçka gjatë gjithë sezonit. Nuk po kërkoj një favor.
Po kërkoj vetëm atë që më takon me të drejtë dhe shpresoj që kjo situatë të zgjidhet sa më shpejt”, ka shkruar Silva.. Presim përgjitgje nga Prishtina, se cila është e vërteta e kësaj që thotë Silva.