Parisi po përjeton një nga valët më të forta të të nxehtit të regjistruara ndonjëherë, me temperatura që kanë arritur deri në 40.9°C. Situata ka detyruar autoritetet franceze të vendosin masa emergjente për të mbrojtur qytetarët dhe për të lehtësuar presionin mbi sistemin shëndetësor.
Si pjesë e masave, konsumimi i alkoolit në hapësira publike është ndaluar gjatë orëve të mesditës deri në mëngjesin e ditës pasuese, ndërsa është kufizuar edhe shitja e pijeve alkoolike në mbrëmje. Spitalet në kryeqytet raportojnë rritje të ndjeshme të rasteve emergjente, përfshirë një numër të lartë të rasteve të arrestit kardiak, duke vënë nën presion të madh sistemin shëndetësor.
Në disa zona janë mbyllur shkollat, ndërsa parqet publike janë mbajtur të hapura gjatë gjithë ditës për qytetarët që kërkojnë freski. Ndërkohë, disa prej atraksioneve kryesore turistike kanë kufizuar oraret e vizitave për shkak të kushteve ekstreme atmosferike.
Autoritetet paralajmërojnë se vala e të nxehtit pritet të vazhdojë edhe në ditët në vijim, ndërsa mbi 40 milionë qytetarë ndodhen nën alarm të kuq për temperatura ekstreme. Sinjali – aty ku e vërteta flet para lajmit!