Kur një marrëdhënie nis me marrëveshjen se do të jetë vetëm për argëtim dhe pa angazhime, kufijtë emocionalë mund të bëhen më të paqartë nga sa pritet. Kjo është historia e një 26-vjeçareje, e cila pasi u përfshi në një lidhje intime me një koleg pune, tani po pyet veten nëse po humbet kohën me dikë që nuk ndan të njëjtat ndjenja apo pritshmëri, shkruan The Sun, transmeton “Bota sot”.
Rrëfimi i plotë Kur nisa këtë marrëdhënie pa angazhime me kolegun tim të punës, gjithçka dukej perfekte, por tani kam filluar të ndihem sikur jam thjesht duke u përdorur. Kishim planifikuar të takoheshim fundjavën e kaluar, por ai tha se i kishte dalë “diçka tjetër” dhe e anuloi në momentin e fundit. Unë jam 26 vjeçe dhe ai është 29.
Kemi punuar së bashku për dy vjet dhe u afruam shumë disa muaj më parë, pasi të dy i dhamë fund lidhjeve afatgjata. Ramë dakord që nuk donim asgjë serioze; thjesht donim të kalonim mirë. Por kur bëhet fjalë për seksin, gjithçka duket shumë e njëanshme. Unë gjithmonë i bëj seks oral, ndërsa ai rrallë ma kthen të njëjtën gjë. Kemi bërë marrëdhënie seksuale të plota vetëm tri herë.
Ishim dakord që koha nuk ishte e përshtatshme për një lidhje serioze dhe se, për momentin, donim vetëm të argëtoheshim. Më pëlqente dhe mendoja se ishte një djalë vërtet i mirë, por tani ndihem shumë e pasigurt. Bëjmë plane, por ai vazhdimisht më zhgënjen. Nuk dua ta humbas, por instinkti im më thotë të largohem. A po humbas thjesht kohën time? Përgjigja e psikologes: Duket se po.
Ai të tha që donte vetëm pak argëtim, dhe pikërisht këtë kishte parasysh. Ju ramë dakord për një marrëdhënie vetëm seksuale, por duket se ti shpresoje që, me kalimin e kohës, kjo të shndërrohej në një lidhje. Ai mori atë që donte dhe tani duket se po humbet interesin. Tregoji vetes të vërtetën – kjo nuk po shkon askund. Do të ishte më mirë të kërkoje dikë që dëshiron vërtet një lidhje.
Thuaji se kjo situatë nuk funksionon më për ty dhe se do të vazhdosh përpara.