Të paktën 14 foshnja të porsalindura kanë humbur jetën pasi një zjarr shpërtheu në repartin e neonatologjisë të Spitalit të Institutit të Shkencave Mjekësore të Pakistanit (PIMS) në Islamabad. Zjarri shpërtheu në katin e tretë të njësisë për nënat dhe fëmijët, ku në atë moment ndodheshin 15 foshnja të porsalindura. Zëdhënësja e PIMS-it, Dr.
Aneeza Jalil, konfirmoi për BBC-në se 14 foshnja kanë vdekur, ndërsa një foshnjë është shpëtuar. Ekipet e shpëtimit kanë bërë të ditur se zjarri është vënë nën kontroll, ndërsa personat e lënduar janë dërguar në njësinë e kujdesit intensiv (ICU). Spitali pritet të publikojë një deklaratë zyrtare lidhur me ngjarjen.
Kryeministri i Pakistanit, Shehbaz Sharif, ka shprehur “dhimbje të thellë dhe keqardhje të sinqertë” për tragjedinë dhe ka udhëzuar autoritetet që të zhvillojnë një hetim të menjëhershëm. “Një situatë e tillë me fëmijët është e pariparueshme”, thuhet në deklaratën e zyrës së kryeministrit.
Sharif ka shprehur gjithashtu “ngushëllimet e tij të sinqerta për familjet e fëmijëve të pafajshëm”, duke shtuar se “zemra e tij është e pikëlluar nga kjo ngjarje tragjike”. Sinjali – aty ku e vërteta flet para lajmit!