Mirlind Daku i ka dhënë lamtumirën skuadrës së Rubin Kazan, pasi tashmë do të bëhet pjesë e ekipit të Spartakut të Moskës që ka paguar 11 milionë euro për kartonin e tij. Në fund të ndeshjes ndaj Akron, Daku shpërtheu në lot në fushë teksa u përshëndet me tifozët, ndërsa shokët e skuadrës e mbanin në krah.
Më pas, klubi publikoi video edhe nga dhomat e zhveshjeve ku fillimisht ishte trajneri Frank Artiga ai që foli për sulmuesin shqiptar. “Je një legjendë e Rubin. Ke ccuar skuadrën në një nivel tjetër.
Tani të gjithë thonë se Rubin është në gjendje që të luftojë për një prej 5 vendeve të para”, tha ai për Dakun, mes duartrokitjeve të ekipit, ndërsa sulmuesi ishte dukshëm i emocionuar, duke folur para lojtarëve të tjerë. “Faleminderit shumë për tre sezonet që kaluam së bashku. Unë vija nga një ligë që nuk ishte aq e fortë sa kjo.
Faleminderit të gjithë rusëve që na bënë ne të huajve të ndihemi si në shtëpi. Nuk di çfarë të them. Faleminderit. Kjo është e vështirë për mua. Është pjesë e jetës. Është e rëndësishme të ruajmë marrëdhënien tonë. Faleminderit përsëri,” pë rfundoi ai fjalët e tij.
Spartak Moskë vendosi të blejë lojtarin edhe pse ka kundër tifozët e ekipit, të cilët nuk duan futbollistë shqiptarë në radhët e tyre.