Trajneri i Juventusit, Luciano Spalletti, ka pranuar se klubi ka gabuar në merkato gjatë viteve të fundit, por shprehet i bindur se drejtuesit aktualë do ta rikthejnë skuadrën në nivelin më të lartë. Deklarata erdhi pas fitores 2-0 ndaj Nice në një ndeshje miqësore, ku shënuan Douglas Luiz dhe talenti i ri Justin Oboavwoduo.
Spalletti u shpreh i kënaqur me paraqitjen e ekipit, duke theksuar se skuadra tregoi organizim më të mirë në fazën mbrojtëse dhe në presing. Tekniku italian vlerësoi edhe rikthimin e Douglas Luiz, duke theksuar se mesfushori luajti me më shumë ritëm dhe ndihmoi skuadrën në të dy fazat e lojës.
Duke folur për merkaton, Spalletti pranoi se Juventusi po paguan pasojat e disa transferimeve të gabuara dhe tani duhet të korrigjojë ato vendime. Ai shtoi se drejtuesit e rinj po punojnë intensivisht për të përforcuar skuadrën, ndërsa bardhezinjtë vazhdojnë negociatat për afrime të reja para nisjes së sezonit.