Policia e Kosovës, në bashkëpunim me Doganën e Kosovës, ka parandaluar dy raste të dyshuara të kontrabandimit me mallra në zonën e fshatit Korminjan. Sipas njoftimit të Policisë, më , gjatë zbatimit të një plani taktik operacional në rrugët malore të këtij fshati, janë identifikuar dy automjete që dyshohet se kishin hyrë në territorin e Kosovës përmes rrugëve ilegale malore nga Serbia.
Gjatë kontrollit të automjeteve janë gjetur mallra të ndryshme pa dokumentacion përcjellës, të cilat dyshohet se ishin futur në mënyrë të kundërligjshme në vend. Nga verifikimet ka rezultuar se mallrat nuk kishin dokumente që dëshmonin prejardhjen apo kryerjen e procedurave doganore, ndërsa sipas mbishkrimeve dyshohet se ishin prodhim i Serbisë.
Me autorizim të prokurorit kujdestar në Gjilan, automjetet dhe mallrat janë sekuestruar dhe janë dërguar në terminalin doganor për vlerësim dhe ruajtje të mëtejme. Policia ka bërë të ditur se lidhur me rastin janë iniciuar procedurat ligjore, ndërsa hetimet do të vazhdojnë nga njësia kompetente në bashkëpunim me Doganën e Kosovës.
Policia e Kosovës ka theksuar se mbetet e përkushtuar në luftimin e kontrabandës dhe veprimtarive të tjera të kundërligjshme në zonat kufitare. Sinjali – aty ku e vërteta flet para lajmit!