Gazeta Sinjali ka raportuar ekskluzivisht për ngjarjen tragjike në Bjeshkët e Strellcit të Deçanit, ku Shpend Hasanramaj humbi jetën pasi dyshohet se u qëllua aksidentalisht me armë zjarri nga djali i tij. Policia e Kosovës tashmë ka publikuar fotografinë e armës dhe të fishekëve që janë sekuestruar në vendin e ngjarjes, ndërsa ka njoftuar se i dyshuari është ndaluar për 48 orë.
Sipas njoftimit zyrtar, Stacioni Policor në Deçan është informuar më se në oborrin e një stani në Bjeshkën e Strellcit një person kishte mbetur pa shenja jete si pasojë e plagëve të marra nga arma e zjarrit. Njësitë relevante policore dhe ekipi mjekësor kanë dalë menjëherë në vendin e ngjarjes, ku është konstatuar vdekja e viktimës.
Gjatë ekzaminimit janë sekuestruar arma e zjarrit dhe municioni, fotografinë e të cilave Policia e ka publikuar në njoftimin për media. Siç kishte raportuar ekskluzivisht Sinjali, viktima është 59-vjeçari Shpend Hasanramaj, ndërsa i dyshuari është djali i tij, Erdonit Hasanramaj, 26 vjeç.
Sipas informacioneve të Sinjalit, dyshohet se arma është shkrepur aksidentalisht gjatë qëndrimit të tyre në bjeshkë. Rrethanat e sakta në të cilat ndodhi tragjedia vazhdojnë të jenë objekt i hetimeve.
Zëdhënësi i Prokurorisë Themelore në Pejë, Shkodran Nikçi, kishte konfirmuar për Sinjalin se i dyshuari ishte arrestuar në vendin e ngjarjes dhe se rasti ishte cilësuar si “vrasje nga pakujdesia”. Me vendim të prokurorit, i dyshuari është ndaluar për 48 orë.
Ndërkohë, familjarët kanë njoftuar se Shpend Hasanramaj do të varroset të shtunën, më 25 korrik, në orën , në varrezat e fshatit Strellc i Epërm, pranë xhamisë.\ Ekskluzive | Ky është i dyshuari për vrasjen aksidentale të babait në bjeshkët e Strellcit të Deçanit Të shtunën varroset Shpend Hasanramaj, i cili humbi jetën tragjikisht në Bjeshkët e Strellcit Ekskluzive | Vrasja në bjeshkët e Strellcit të Deçanit dyshohet se ishte aksidentale – ky është viktima e familjes Hasanramaj Sinjali – aty ku e vërteta flet para lajmit!