Jules Kounde përsërit së e ardhmja e tij do të jetë në Barcelonë. Edhe pse emri i tij ka qenë në qendër të vëmendjes dhe në një vorbull thashethemesh transferimi, mbrojtësi francez siguroi se tani është i përqendruar vetëm në pushim.
Mbrojtësi qendror tani po fillon disa javë pushim pas pjesëmarrjes së tij në Kupën e Botës dhe më pas do t’i bashkohet Barcelonës për t’u përgatitur për sezonin e ri. “Gjëja e parë që do të bëj është të pushoj mirë për ta përballuar sezonin sa më mirë të jetë e mundur.
Shpresoj të kem një sezon të shkëlqyer dhe të ndihmoj Barçën sa më shumë të jetë e mundur“, tha Koundé. 27-vjeçari francez ka qenë një lojtar kyç për “Les Bleus” gjatë gjithë Kupës së Botës dhe po i afrohet pushimeve të tij me mendjen e tij të përqendruar vetëm te klubi “blaugrana”.
Një muaj e gjysmë më parë, kur ai mori pjesë në kampin stërvitor të Francës, ai kishte dërguar tashmë një mesazh të qartë për të ardhmen e tij: “Shpresoj të qëndroj te Barça“, de klaroi ai me vendosmëri më 3 qershor. Ai e përsëriti përsëri këtë qëndrim, duke shpjeguar se do ta shfrytëzojë pushimin për t’u rikthyer në gjendjen më të mirë të mundshme.
Koundé ka një kontratë me Barcelonën deri në vitin 2030 dhe ishte një aset i rëndësishëm për Hansi Flick sezonin e kaluar.