Shpërndaje në: Presidenti i Ukrainës, Volodymyr Zelensky, ka shkarkuar komandantin e përgjithshëm të Forcave të Armatosura, Oleksandr Syrskyi, vetëm pak ditë pasi largoi nga detyra ministrin e Mbrojtjes, Mykhailo Fedorov. Shkarkimi i Fedorovit, i cili u prit me protesta në rrugët e Ukrainës, fillimisht u shoqërua me spekulime për një përplasje mes tij dhe Syrskyit.
Këto dyshime u konfirmuan më vonë. Fedorov, 35 vjeç, është vlerësuar gjerësisht për reformimin e Ministrisë së Mbrojtjes, modernizimin e forcave të armatosura dhe udhëheqjen e përpjekjeve kundër korrupsionit. Ndërkaq, Syrskyi, 60 vjeç, shihej nga shumë ukrainas si një komandant i formuar në doktrinën ushtarake sovjetike, i cili hezitonte të zbatonte ndryshime rrënjësore në ushtri.
Në një postim në rrjetet sociale, Zelensky e falënderoi Syrskyin për kontributin në mbrojtjen e suksesshme të kryeqytetit Kiev gjatë ditëve të para të pushtimit të plotë rus në vitin 2022, si dhe për rolin e tij në operacione të tjera ushtarake.
Edhe Botë 8 muaj më parë Zelensky shkarkon ministrat e akuzuar për përfshirje në skemën e ryshfetit Në vend të Syrskyit është emëruar gjenerali Mykhailo Drapatyi, i cili gëzon reputacion të mirë në Ukrainë dhe konsiderohet një komandant me përvojë të madhe në front. “Të gjitha vendimet do të formalizohen nesër”, shkroi Zelensky.