Bjellorusja Aryna Sabalenka, gjatë konferencës për shtyp në prag të debutimit të saj në WTA 500 në Berlin, shpjegoi se kishte përjetuar probleme emocionale pas humbjes në Roland Garros, të cilat i kapërceu me ndihmën e një psikiatri.
Numri një në botë pranoi se kishte nevojë për ndihmë profesionale për të përpunuar humbjen në Paris dhe se u konsultua me një psikiatër për të marrë mjetet e duhura për të ecur përpara nga eliminimi i saj nga Roland Garros. “Patjetër që kisha nevojë për kohë për t’u rikuperuar pas Roland Garros. Mendova shumë për atë ndeshje; ishte një humbje shumë e vështirë.
Shkova te një psikiatër, pasi po kërkoja një mënyrë për ta lënë pas atë që ndodhi“, tha numri 1 në botë. “Më ndihmoi shumë. Ndonjëherë duhet të flasësh me dikë. Mësova shumë për veten time. Këto situata të bëjnë më të fortë. Nuk mund të vazhdoj të mendoj për këtë. Duhet të ec përpara. Ndonjëherë thjesht duhet ta pranosh atë që ndodhi“, t ha Sabalenka.