Reperi i njohur amerikan, Kanye West, është pritur nga kryeministri i Shqipërisë, Edi Rama, pak para koncertit të tij në vend. Lajmin e ka bërë publik vetë Rama, i cili ka ndarë në rrjetet sociale një video nga takimi me artistin. Në pamjet e publikuara, kryeministri shihet duke i prezantuar Westit disa elemente të kulturës dhe historisë shqiptare.
Kanye West ka mbërritur në Shqipëri për koncertin që do të mbahet mbrëmjen e së shtunës në “Eagle Stadium”, në Kashar. Për shkak të organizimit të aktivitetit, Policia e Tiranës ka vendosur kufizime të përkohshme në qarkullimin e automjeteve në zonën përreth autostradës Tiranë-Durrës. “Eagle Stadium” është ndërtuar në një hapësirë prej rreth 65 mijë metrash katrorë.
Burimi:
Telegrafi