Ministria e Infrastrukturës dhe Transportit ka njoftuar se gjatë ditës së nesërme, më , nuk do të ketë kufizim të qarkullimit për automjetet e transportit të mallrave me masë totale mbi 20 tonë.
Sipas njoftimit, bazuar në parashikimet zyrtare të temperaturave, për nesër nuk pritet të plotësohen kushtet e përcaktuara në vendimin e ministrisë për zbatimin e kufizimeve të përkohshme të qarkullimit.
“Bazuar në parashikimin zyrtar të temperaturave, për nesër nuk pritet të plotësohen kushtet e përcaktuara në vendimin e Ministrisë së Infrastrukturës dhe Transportit për zbatimin e kufizimeve të përkohshme të qarkullimit”, thuhet në njoftim.
Ministria ka bërë të ditur se do të vazhdojë monitorimin e përditshëm të parashikimeve meteorologjike dhe do të informojë me kohë qytetarët dhe operatorët ekonomikë për çdo rast kur do të plotësohen kushtet për zbatimin e këtij vendimi. Sinjali – aty ku e vërteta flet para lajmit!