Një 31-vjeçar ka shpëtuar mrekullisht nga sulmi i një aligatori, pasi kafsha e kapi dhe e tërhoqi nën ujë teksa po notonte në lumin Savannah, në Karolinën e Jugut. Ngjarja ndodhi më 23 gusht, rreth orës , kur Jonathan Bruney, një triatletist, po stërvitej për garën Ironman. Aligatori e kafshoi në bicepsin e djathtë dhe e tërhoqi nën ujë.
Në përpjekje për të shpëtuar, Bruney i futi gishtin e madh të dorës së majtë në sy aligatorit, duke bërë që kafsha ta lëshonte. Pas sulmit, disa persona që ndodheshin pranë vendit të ngjarjes i dhanë ndihmën e parë dhe i vendosën një garrotë improvizuese në krah për të ndaluar gjakderdhjen. 31-vjeçari pësoi një plagë rreth 10 deri në 13 centimetra në krah.
Mjekët i kanë rekomanduar të qëndrojë larg ujit për tre deri në katër javë. Pavarësisht sulmit të frikshëm, Bruney synon të marrë pjesë në garën Ironman Augusta më 27 shtator, për të cilën ishte duke u stërvitur kur ndodhi incidenti. Sinjali – aty ku e vërteta flet para lajmit!