Një 43-vjeçar nga Kosova është plagosur me thikë gjatë një përleshjeje me një 30-vjeçar afgan në Fritz-Imhoff-Park në Vjenë. Sipas raportimeve, kosovari ka marrë një plagë në pjesën e sipërme të krahut të majtë, si dhe disa prerje në krahë e gjoks. Ai është dërguar në spital dhe, sipas policisë, lëndimet nuk janë kërcënuese për jetën.
Policët që patrullonin pranë vendit të ngjarjes kanë dëgjuar britmat dhe kanë ndërhyrë, ndërsa në vend është sekuestruar edhe një thikë xhepi. 30-vjeçari afgan është arrestuar fillimisht dhe më pas, me urdhër të prokurorisë, është proceduar nën dyshimin për lëndim të rëndë trupor dhe është liruar. Ndërkohë, edhe kosovari po hetohet për përfshirje në përleshje.
Shkaqet e konfliktit mbeten nën hetim. Sinjali – aty ku e vërteta flet para lajmit!