Pas 12 vitesh martesë, një burrë 45-vjeçar rrëfen se jeta intime me gruan e tij është shuar pothuajse plotësisht. Ai ndihet i refuzuar dhe i padashur, ndërsa përpiqet të kuptojë arsyen që e ka larguar gruan e tij nga seksi, shkruan The Sun, transmeton “Bota sot”. Rrëfimi i plotë Gruaja ime thotë se seksi është “një punë e pistë” dhe për këtë arsye këto ditë rrallë kemi marrëdhënie intime.
Ajo duket sikur e ka humbur plotësisht interesin për seksin. Unë jam 45 vjeç dhe gruaja ime është 43. Jemi të martuar prej 12 vitesh dhe kemi një djalë, i cili tani është dhjetë vjeç. Puthim dhe përqafohemi, por kaq. Edhe kur bëjmë seks, kalojmë shumë pak kohë me paralojën.
E dua gruan time, por nuk mund të vazhdoj të jem në një martesë pa marrëdhënie seksuale të rregullta dhe të mbushura me dashuri. Herën e fundit që bëmë dashuri, atë e zuri gjumi gjatë aktit. Nuk mund ta besoja. Megjithatë, ajo bën komente për trupat e burrave në televizor. Jam në pikën më të ulët emocionalisht që kam qenë ndonjëherë.
I kam thënë se më bën të ndihem i pavlerë dhe i padashur, por duket sikur fjalët e mia i hyjnë në njërin vesh dhe i dalin nga tjetri. Thjesht nuk arrij ta kuptoj se çfarë ka ndodhur që ajo është bërë kështu. Përgjigja e psikologes: Diçka nuk është në rregull. Zgjidhni një moment kur të dy ndiheni të afërt dhe të qetë dhe tregojini se sa shumë ju mungon intimiteti me të në shtrat.
Thuajini se e doni dhe se dëshironi ta kuptoni më mirë se çfarë ka shkuar keq për të. Sugjerojini që të punoni së bashku për ta zgjidhur problemin, pa fajësuar njëri-tjetrin. Përvojat e këqija seksuale në të kaluarën, ose mesazhet që ajo mund të ketë marrë që në moshë të hershme se seksi është diçka e gabuar, mund të jenë arsyeja. Ose ndoshta seksi nuk ka qenë aq i mirë për të.