Policia e Kosovës ka bërë të ditur se ka arrestuar dy persona, pasi dyshohet se kanë vendosur flamuj në rrethojën e kishës ortodokse në Lipjan. Sipas Policisë, rreth orës të së hënës, mbikëqyrësi i kishës kishte raportuar se në rrethojën e objektit fetar ishin vendosur dy flamuj, njëri me mbishkrimin “UÇK” dhe tjetri flamuri i Shqipërisë.
Pas veprimeve hetimore, Policia ka identifikuar dhe shoqëruar në Stacionin Policor në Lipjan personin me inicialet D.M., i cili ka rezultuar nën ndikimin e alkoolit, me 0.61 promila. Ndërkohë, të mërkurën është shoqëruar në stacion edhe një person tjetër, E.M. nga Lipjani, ndaj të cilit janë vazhduar procedurat e mëtejme policore.
Policia ka bërë të ditur se për rastin janë njoftuar prokurorët kujdestarë të Departamentit Special dhe të Përgjithshëm dhe, me udhëzimin e tyre, rasti është dërguar me shënim zyrtar.
Në njoftim, Policia ka theksuar se ka dosje të veçanta për objektet e trashëgimisë kulturore fetare dhe se 24 prej tyre sigurohen me prezencë policore 24 orë në ditë, ndërsa objektet e tjera monitorohen përmes patrullave policore.
Policia e Kosovës ka ritheksuar se mbetet e përkushtuar në ruajtjen e rendit dhe sigurisë publike, si dhe në mbrojtjen e të gjitha objekteve të trashëgimisë kulturore fetare. Sinjali – aty ku e vërteta flet para lajmit!