Ka arritur në të paktën 213 numri i personave që kanë humbur jetën si pasojë e tërmetit të fuqishëm që goditi të hënën Kolumbinë. Sipas CNN, bilanci është përllogaritur bazuar në të dhënat e publikuara nga autoritetet dhe agjencitë në terren, ndërsa operacionet e kërkim-shpëtimit për gjetjen e personave të mbijetuar po vazhdojnë.
Bilanci më i rëndë është regjistruar në Cali, ku janë konfirmuar 95 viktima, ndërsa në Pereira kanë humbur jetën 66 persona. Në pjesën tjetër të departamentit Valle del Cauca, pa përfshirë Calin, janë raportuar 38 viktima. Në Quibdó janë konfirmuar nëntë të vdekur dhe në Manizales pesë.
Autoritetet kolumbiane kanë bërë të ditur se situata më kritike paraqitet në Cali dhe Pereira, ku raportohet për struktura të shembura dhe persona që dyshohet se vazhdojnë të jenë të bllokuar nën rrënoja. Ndërkohë, Bogotá dhe Medellín, dy prej qyteteve më të mëdha dhe më të populluara të vendit, nuk kanë raportuar dëme serioze.
Autoritetet atje vazhdojnë të mbajnë aktive protokollet e verifikimit dhe monitorimit. Sinjali – aty ku e vërteta flet para lajmit!