Kombëtarja e Shqipërisë ka pasur disa transferime me shifra të konsiderueshme, pikërisht pas vitit 2020. Mirlind Daku kaloi zyrtarisht sot nga Rubin Kazan te Spartak në Rusi. Klubi i Moskës shpenzoi 11 milionë euro që ishte klauzola për prishjen e kontratës. Daku la pas Ernest Muçin duke u bërë pjesë e “Top 5” transferimeve më të shtrenjta nga lojtarët e Kombëtares.
Muçi më parë kalonte nga Legia e Varshavës te Beshiktash për 10 milionë euro. Para Dakut vendoset në listë Myrto Uzuni. Edhe për këtë të fundit, u pagua klauzola e prishjes së kontratës për ta afruar. Asokohe ishte 12 milionë euro te Granada. Më tej, në tre vendet e para ndodhen lojtarë që pas transferimeve me shifra të konsiderueshme, nuk kanë spikatur.
Në vendin e tretë ndodhet Kristjan Asllani. Ky i fundit la Empolin për Interin, ndërsa shifra totale ka kaluar 15 milionë euro. Huazimi për një sezon te zikaltërit konsiderohej i suksesshëm dhe u ble kartoni. Më pas vjen Armando Broja i cili la Çelsin për Empolin në merkaton e verës së kaluar. Shifra kalonte 20 milionë euro. Në vend të parë ndërkohë mbetet prej kohësh Marash Kumbulla.
Ishte viti 2021, kur u aktivizua opsioni i blerjes së kartonit pas huazimit nga Verona. Shifra e raportuar tregohej 26,5 milionë euro. “Panorama Sport” do iu sjellë listën me “Top 5” transferimet më të shtrenjta. “Top 5 transferimet më të shtrenjta me lojtarë të Kombëtares” 1. Marash Kumbulla nga Verona te Roma: 26,5 milionë euro -Viti 2021 2.
Armando Broja nga Çelsi te Bërnli: 20 milionë paund -Viti 2025 3. Kristjan Asllani nga Empoli tek Interi: 15,7 milionë euro -Viti 2023 4. Myrto Uzuni nga Granada tek Austin: 12 milionë euro -Viti 2025 5. Mirlind Daku nga Rubin Kazan te Spartaku i Moskës: 11 milionë euro -Viti 2026