Dy anëtarë të ekuipazhit kanë vdekur pasi dy helikopterë zjarrfikës u përplasën në Greqi Një pilot britanik dhe një anëtar grek i ekuipazhit i mbijetuan rrëzimit dhe janë dërguar në spital për trajtim. Kryeministri grek, Kyriakos Mitsotakis, shprehu ngushëllime dhe “pikëllimin e tij më të thellë” pas incidentit.
Dy personat e vrarë ishin një pilot danez dhe një oficer ndërlidhës i shërbimit grek të zjarrfikësve. Përplasja ndodhi në Psatha, një zonë bregdetare në perëndim të Athinës, të dielën. Greqia është një nga disa vende evropiane që vuajnë nga zjarret – ka pasur edhe zjarre në Spanjë dhe Francë pas një sërë valësh të nxehti në të gjithë kontinentin, raporton BBC.
Më herët të dielën, Mitsotakis kishte thënë se vendi po përballet me kushte ekstreme të motit dhe paralajmëroi për ditë “jashtëzakonisht të vështira” përpara.