Bayern Munih ka vendosur të nisë bisedimet me Harry Kane për të zgjatur kontratën e tij, e cila aktualisht është e vlefshme deri në qershor 2027. Për sulmueisn ka një interes të madh brenda Europës dhe jashtë saj si në MLS apo në Arabinë Saudite, por sulmuesi anglez duket i bindur në vendimin dhe dëshirën për të qëndruar më gjatë te bavarezët sesa thotë kontrata aktuale.
Kane mbetet lojtari më i paguar në klubin bavarez, duke fituar rreth 25 milionë euro në vit. Ndryshe nga lojtarët e tjerë mbi 30 vjeç, për të nuk do të ketë ulje të pagës nga ajo që merr në kontratën aktuale. Pika e vërtetë e ngërçit është kohëzgjatja e kontratës. Bayern po ofron një marrëveshje deri në vitin 2029, ndërsa Kane po anon drejt vitit 2030.
Megjithatë, palët pritet të “shtrëngojnë” duart shumë shpejt dhe të zyrtarizojnë rinovimin e kontratës.