Presidenti i SHBA-së, Donald Trump, ka bërë të ditur se do ta ftojë në Shtëpinë e Bardhë rojen 16-vjeçare që shpëtoi një djalë të vogël të rrëmbyer nga dallgët në zonën Seabright të Santa Cruz, në Kaliforni, së bashku me familjen e tij, për t’i ndarë një nga “nderimet më të larta civile”.
Në një postim në Truth Social, Trump e cilësoi adoleshentin si një “hero” dhe “shumë të guximshëm”, duke shtuar se edhe djali i vogël që u shpëtua do të jetë i mirëpritur në Shtëpinë e Bardhë. Në videon e regjistruar nga një notar, rojtari i ri bregdetar shihet duke u zhytur në detin e trazuar për të shpëtuar fëmijën që ishte rrëmbyer nga uji. “Valët habitën shumë njerëz.
Fatkeqësisht, ky djalë u rrëmbye brenda pak minutash”, përshkroi Scott Vander Dussen, i cili regjistroi videon e shpëtimit dramatik. 16-vjeçari nuk veproi i vetëm. Ai u ndihmua nga notarë të tjerë dhe një rojtar i dytë bregdetar, të cilët u hodhën në ujë për të nxjerrë në breg djalin, rreth 10 vjeç.
Më herët, djali i presidentit amerikan, Eric Trump, e kishte ripostuar videon, duke shkruar: “Jepini këtij roje plazhi 16-vjeçar nderin më të lartë politik. Ai është vërtet më i miri i Amerikës!
Bravo!” Sipas New York Post , rojet bregdetare në zonën e Santa Cruz trajnohen sipas standardeve të larta dhe duhet të përfundojnë të paktën 56 orë trajnim si roje bregdetare, 24 orë trajnim për certifikim mjekësor dhe më shumë se 80 orë trajnim shtesë për sigurinë në det. “Jam i lumtur që përfundoi kështu.
Jam i sigurt që nëse rojet bregdetare nuk do të ishin aty, fëmija nuk do të kishte shkuar në shtëpi atë natë”, tha Vander Dussen. كان المصور سكوت يقوم بتصوير شاطى سيبرايت في كاليفورنيا عندما لاحظ رأس شخص يظهر ويختفي وسط الامواج العنيفة فسارع الى ابلاغ احد المنقذين اتضح انه صبي بعمر 10 سنوات كان يركب الامواج على اللوح، قام المنقذ بالامساك به على الرغم من قوة وشدة الامواج الا انه تشبث به بقوه حاول البعض… pic.twitter.com/mav8us1CJd — Saif (@diol2n) July 27, 2026 Sinjali – aty ku e vërteta flet para lajmit!