Rreth 10 krerë bagëti të imta kanë ngordhur pasi u goditën nga rrufeja mesditën e së premtes në fshatin Derdush, njësia administrative Dardhas, në Bashkinë e Pogradecit. Sipas informacioneve paraprake, rrufeja goditi një tufë me rreth 190 dele dhe dhi, duke shkaktuar ngordhjen e rreth 10 prej tyre, raporton Abcnews.al, transmeton Sinjali.
Në vendin e ngjarjes kanë dalë shërbimet veterinare, të cilat po vlerësojnë gjendjen e bagëtive të mbijetuara dhe po marrin masat e nevojshme për trajtimin e tyre. Autoritetet njoftuan se, për shkak të mungesës së sinjalit telefonik në zonën malore, komunikimi me barinjtë dhe pronaren e tufës ka qenë i vështirë, duke vonuar marrjen e informacionit të parë për rastin.
Sinjali – aty ku e vërteta flet para lajmit!