Aktivisti indian Sonam Wangchuk i ka dhënë fund grevës së urisë pas 26 ditësh agjërimi, të cilën e kishte nisur në mbështetje të protestuesve të rinj që kërkojnë reforma në sistemin arsimor.
Në një postim në platformën X, 59-vjeçari, i njohur gjerësisht si “Sonam sir”, bëri të ditur se vendimi erdhi pas negociatave të gjata për disa kushte, si dhe për të shmangur mundësinë e përshkallëzimit të dhunës.
Wangchuk kishte hyrë në grevë urie për të mbështetur anëtarët e “Cockroach Janta Party”, të cilët, krahas reformave në arsim, kërkojnë edhe dorëheqjen e ministrit indian të Arsimit. Gjatë protestës, aktivisti kishte njoftuar se kishte humbur rreth 11 kilogramë, por kishte deklaruar se ishte “ende gjallë”.
Të shtunën e kaluar, Wangchuk u largua me forcë nga vendi ku po protestonte në Delhi dhe më pas u dërgua në spital për trajtim mjekësor. Sinjali – aty ku e vërteta flet para lajmit!