Numri i të vdekurve nga tërmetet e njëpasnjëshme që goditën Venezuelën muajin e kaluar është rritur në 4,734, ka bërë të ditur të martën Presidenti i Asamblesë Kombëtare, Jorge Rodriguez. Sipas tij, nga këto tërmete janë plagosur gjithsej 16,740 persona.
Rodriguez ka bërë të ditur se autoritetet kanë ofruar ndihmë për 128,324 familje, ndërsa janë krijuar 107 kampe të përkohshme ku janë strehuar 20,903 persona. Ai ka shtuar se 17,907 persona kanë mbetur pa strehim të përhershëm si pasojë e dëmeve të shkaktuara nga tërmetet.
Sipas të dhënave të publikuara nga autoritetet venezueliane, tërmetet kanë dëmtuar 856 ndërtesa, prej të cilave 190 janë shembur plotësisht. Tërmetet binjake me magnitudë 7.2 dhe 7.5 ballë goditën Venezuelën më 24 qershor, duke shkaktuar dëme të mëdha materiale dhe viktima të shumta. Sinjali – aty ku e vërteta flet para lajmit!