Një ngjarje e rëndë është regjistruar në Institucionin e Ekzekutimit të Vendimeve Penale në Shkodër, ku një i paraburgosur ka ndërruar jetë pas përkeqësimit të gjendjes shëndetësore. Sipas njoftimit zyrtar, 62-vjeçari ka pësuar komplikacione të papritura gjatë orëve të para të mëngjesit, ndërsa menjëherë i është ofruar ndihma mjekësore nga personeli i institucionit.
Më pas, ai është transportuar me urgjencë drejt spitalit, por pavarësisht përpjekjeve të mjekëve për reanimim, është konstatuar vdekja e tij. Autoritetet kanë bërë të ditur se organet kompetente janë njoftuar dhe kanë nisur procedurat për hetimin dhe sqarimin e plotë të rrethanave të rastit.
Drejtoria e Burgjeve ka shprehur ngushëllime për familjen dhe ka garantuar bashkëpunim me organet e drejtësisë për zbardhjen e ngjarjes. Sinjali – aty ku e vërteta flet para lajmit!