Ndërsa Kuvendi vijonte punimet e tij në seancë plenare, me qindra protestues me pankarta, parulla dhe thirrje, u mblodhën para godinës, duke kërkuar dorëheqjen e qeverisë dhe kryeministrit Edi Rama.
Fyerjeve të kreut të ekzekutivit ditë më parë, që i shau protestuesit me “F*ck you!”, ata i janë përgjigjur me të njëjtën ‘monedhë’, duke i kujtuar se po nëpërkëmb popullin shqiptar me arrogancën e tij. Nën këngën hit të grupit “Queen”, “We aill rock you” ata iu drejtuan kryeministrit me thirrjet: “Rama, Rama, f*ck you…!”.
Por pati edhe parulla dhe thirrje të tjera si: “Shqipëria kërkon, revolucion” apo “Parlament analfabet” dhe “F*ck you Parlamenti”. Organizatorët dhe aktivistët kishin lajmëruar për sot dy protesta, atë paradite gjatë punimeve të Kuvendit dhe në mbrëmje para Kryeministrisë.