Një pjesëtar i Policisë së Kosovës ka humbur jetën tragjikisht në orët e para të mëngjesit në Pikën Kufitare në Morinë. Lajmi është bërë i ditur nga familjarët, të cilët kanë njoftuar se viktima është Rexhep Gashi, pjesëtar i Policisë së Kosovës dhe veteran i Ushtrisë Çlirimtare të Kosovës. Sipas njoftimit të familjes, ai humbi jetën si pasojë e një aksidenti trafiku në vendin e punës.
“Sipas informatave të para, ai kishte dalë për të marrë ajër të pastër kur u godit nga një veturë”, thuhet në njoftimin e publikuar nga familjarët. Për kohën dhe vendin e ceremonisë së varrimit, familja ka bërë të ditur se do të njoftojë më vonë. Deri më tani, autoritetet nuk kanë dhënë detaje zyrtare lidhur me rrethanat e aksidentit.
Burimi:
Telegrafi