Shpërndaje në: Partia Demokratike e Kosovës ka mbajtur mbledhjen e kryesisë ku temë qendrore sipas njoftimit të kësaj partie ishin përgatitjet për procesin e zgjedhjeve të brendshme në të gjitha nivelet, nga nëndegët e deri te pozita e kryetarit të këtij subjekti politik.
Në këtë mbledhje të kryesisë, afati për fillimin e këtyre zgjedhjeve u përcaktua muaji shtator. “Në këtë kuadër, u vendos formimi i një grupi punues, i cili do të ketë përgjegjësi për përgatitjen teknike dhe ligjore të këtij procesi zgjedhor.
Ky grup do të kujdeset për orientimin, mbarëvajtjen dhe strategjinë e përgjithshme, duke siguruar që zgjedhjet të zhvillohen në mënyrë të rregullt dhe të drejtë. Afati i përcaktuar për fillimin e zgjedhjeve të brendshme është muaji shtator, duke i dhënë kohë të mjaftueshme strukturave organizative për përgatitje të plotë dhe gjithëpërfshirëse”, thuhet në njoftimin e PDK-së.