Një tjetër futbollist shqiptar nga Maqedonia e Veriut do të jetë pjesë e futbollit të Kosovës. Mesfushori 21-vjeçar, Resul Memeti, është zyrtarizuar si lojtari më i ri i Trepçës ’89. Klubi nga Mitrovica e prezantoi Memetin përmes kanaleve zyrtare, duke e cilësuar si një përforcim të rëndësishëm për sezonin e ri.
Futbollisti vjen nga Bashkimi 1947 i Kumanovës, ku ishte pjesë e elitës së futbollit në Maqedoninë e Veriut. I njohur për energjinë, disiplinën taktike dhe angazhimin në mesfushë, Memeti pritet të jetë një alternativë e vlefshme për Trepçën ’89 në objektivat e klubit për edicionin e ardhshëm.
Ky transferim shënon një kapitull të ri në karrierën e 21-vjeçarit, i cili tashmë do të ketë mundësinë të dëshmojë potencialin e tij në futbollin e Kosovës.