Kryetari i Parlamentit iranian, Mohammad Bagher Ghalibaf, është takuar të dielën me një grup zyrtarësh të lartë të Hezbollahut, përfshirë Mohammed Fenish, të cilët ndodhen në Iran për ceremonitë e varrimit të udhëheqësit suprem të vrarë, Ajatollah Ali Khamenei.
Sipas Agjencisë Shtetërore të Lajmeve të Iranit (IRNA), Ghalibaf ka deklaruar se roli i Hezbollahut në luftën e fundit përbën “një pikë kthese historike”, duke e paraqitur atë si dëshmi të lidhjeve të ngushta mes Iranit dhe grupeve aleate të ashtuquajtura të “rezistencës”.
Ai ka shtuar gjithashtu se mbështetja për forcat e armatosura aleate të Iranit, “dhe veçanërisht për Hezbollahun”, mbetet një “detyrë islame dhe revolucionare”. Ghalibaf ka theksuar po ashtu se Irani ka mbajtur “vija të qarta dhe themelore” në negociatat me Shtetet e Bashkuara, duke shtuar se një nga këto “vija të kuqe” është çështja e “Frontit të Rezistencës dhe Libanit”, sipas IRNA-s.
Sinjali – aty ku e vërteta flet para lajmit!