Pronari i Milanit, Xherri Kardinale, ka konfi rmuar se ai është personi që ka fjalën e fundit për çdo lëvizje në merkaton e klubit, ndonëse vendimmarrja bëhet në bashkëpunim me drejtuesit dhe stafi n teknik. Themeluesi dhe partneri drejtues i fondit “RedBird” ka qenë shumë aktiv në jetën e klubit edhe këtë verë.
Ai ishte i pranishëm në Milanelo për të pritur trajnerin e ri Ruben Amorim, ndërsa mori pjesë edhe në konferencën për shtyp ku portugezi u prezantua zyrtarisht. Në një intervistë për “Calcio e Finanza”, Kardinale shpjegoi mënyrën se si funksionon procesi i vendimmarrjes për transferimet. “Askush te Milani nuk ka të drejtën të miratojë transferimet, pavarësisht shumës, përveç meje.
Unë miratoj çdo qindarkë dhe jam i vetmi që jap dritën jeshile përfundimtare për çdo marrëveshje”. Megjithatë, numri një i kuqezinjve theksoi se puna në klub bëhet në grup dhe se çdo vendim merret pas konsultimeve me të gjithë aktorët kryesorë. “Ne punojmë si një skuadër. Drejtuesit vazhdojnë të bëjnë rekomandimet e tyre, dëgjojmë trajnerin dhe ekipin tim.
Por kur vjen momenti për të marrë vendimin përfundimtar, ai më takon mua”.