Hailey Bieber po cilësohet në rrjetet sociale si “modelja më e fuqishme në botë”, duke lënë në hije edhe shoqen e saj të ngushtë, Kendall Jenner. Kjo pasi bashkëshortja e Justin Bieber ndihmoi Kim Kardashian që të shesë pothuajse tërësisht koleksionin e saj më të ri të SKIMS brenda vetëm pak ditësh.
Modelja 29-vjeçare u shfaq për herë të parë si imazhi i linjës Everyday Cotton javën e kaluar, në një fotosesion provokues të realizuar nga fotografi Mert Alas. Menjëherë pas publikimit të fotografive, shumë prej produkteve u shitën plotësisht, ndërsa blerësit u detyruan të futeshin në listë pritjeje për porositë.
Hailey Bieber Shumë fansa reaguan në Instagram duke u ankuar se reçipetat dhe të brendshmet dolën nga stoku shumë shpejt. “Reçipetat që doja në masën time janë shitur tashmë. O Zot!”, shkroi një komentues. Një tjetër shtoi: “Po shiten si buka e ngrohtë!” Ndërsa një kliente tjetër u ankua për vonesën e porosisë së saj: Hailey Bieber “Përshëndetje!
Konfirmimi i porosisë sime thoshte se do të dërgohej brenda 1-2 ditëve pune, por kanë kaluar rreth dy javë dhe ende nuk kam marrë asnjë përditësim për dërgesën. A mund të më tregoni statusin aktual të porosisë dhe kur pritet të dërgohet?”
Vitin e kaluar u raportua se kompania SKIMS e Kim Kardashian arriti vlerën prej 5 miliardë dollarësh, pas një raundi të ri financimi prej 225 milionë dollarësh, të udhëhequr nga Goldman Sachs. Hailey Bieber