Aviatorja amerikane Mary Wallace, e cila shkoi në hapësirë në vitin 2021 me projektin “Blue Origin” ka ndërruar jetë në moshën 87 vjeçare. Ajo e bëri udhëtimin e saj të parë në hapësirë në moshën 82 vjeçare në vitin 2021 duke marrë titullin e kjo gruas më të vjetër që ka marrë pjesë ndonjëherë në një sipërmarrje të tillë.
Mary vdiq nga shkaqe natyrore në shtëpinë e saj ditën e mërkurë, e rrethuar nga familja. “Jemi thellësisht të trishtuar nga vdekja e Wally Funk “, tha kompania private hapësinore Blue Origin e Jeff Bezos në një deklaratë nëpërmjet X.
Në të 20-at e saj Mary ishte instruktorja e parë civile femër e fluturimit në një bazë ushtarake amerikane, gruaja e parë që ishte inspektore e sigurisë së avionëve për Bordin Kombëtar të Sigurisë së Transportit (NTSB) dhe instruktorja e parë femër për Administratën Federale të Aviacionit (FAA).
Ajo kishte përfunduar një program trajnimi për astronautet femra në vitet 1960, por nuk u zgjodh kurrë për të fluturuar në një mision të NASA-s.