Mbrojtësi holandez, Nathan Ake, ka përfunduar transferimin te gjigantët turq, Fenerbahce, kështu duke i dhënë fund një periudhe gjashtëvjeçare te Manchester City. 31-vjeçari, iu bashkua Manchester Cityt nga Bournemouth në vitin 2020 për një pagesë të raportuar prej 45 milionë eurosh. Mbrojtësi ka bërë 177 paraqitje për Manchester Cityn në të gjitha garat, duke fituar 12 trofe gjatë rrugës.
Ndërkohë, ishte aktiv në Botërorin 2026 me Holandën, ku i zhvilloi tre nga katër ndeshjet, duke qenë titullar kundër Marokut në ndeshjen fatale të raundit të 1/16-ave. Ake i bashkohet Fenerbahçes pasi gjigantët e Stambollit dështuan të fitonin ligën turke për sezonin e dymbëdhjetë radhazi, duke përfunduar një pikë pas kampionëve Galatasaray.
Fenerbahçe shkarkoi trajnerin Domenico Tedesco pas një sezoni dhe mirëpriti rikthimin e Ismail Kartal për një mandat të katërt si trajner.