KRU Prishtina ka njoftuar se një pjesë e lagjes Arbëria në Prishtina dhe zona pranë Ambasada e Shteteve të Bashkuara në Prishtinë kanë mbetur pa furnizim me ujë të pijshëm si pasojë e një defekti të paplanifikuar në rrjet. Sipas njoftimit, prishja ka ndodhur në një gyp furnizues në rrugën “Gjergj Balshaj”, i cili shërben për furnizimin me ujë nga rruga Mitrovica deri te Ambasada Amerikane.
Ekipet e mirëmbajtjes ndodhen në terren dhe po punojnë për sanimin e defektit, ndërsa rikthimi i furnizimit me ujë pritet të bëhet pas përfundimit të punimeve. KRU Prishtina u ka bërë thirrje konsumatorëve të prekur për mirëkuptim, duke theksuar se ndërprerja është shkaktuar nga një defekt i papritur në rrjetin e ujësjellësit.
Burimi:
Bota Sot