Gjatë muajve të verës, kthimi i diasporës në vendlindje sjell rritje të qarkullimit ekonomik, veçanërisht në sektorin e gastronomisë, hotelerisë dhe atë të shërbimeve. Restorantet e hotelet frekuentohen më shumë, derisa edhe dyqanet e tregjet për çdo vit raportojnë rritje të shitjeve. Por me ardhjen e mërgimtarëve, një pjesë e bizneseve rrisin edhe çmimet.
Njohës të ekonomisë thonë se mërgata është infuzion për ekonominë e vendit. Megjithatë, shqetësuese sipas njohësve të fushës, mbetet fakti që remitencat e diasporës shkojnë më shumë për konsum e banim, shkruan RTK. Sipas Bankës Qendrore të Kosovës, vetëm në 3 muajt e parë të këtij viti, remitencat e dërguara nga diaspora në Kosovë arritën në mbi 313 milionë euro.
Gjermania, Zvicra, Italia e Austria prijnë për nga vlera më e madhe e dërgesave në Kosovë.