Policia e Kosovës ka arrestuar një 20-vjeçar, i cili ishte në kërkim për vuajtjen e dënimit lidhur me veprën penale “vrasje në tentativë”. Arrestimi u realizua nga zyrtarët e Stacionit Policor Qendra në Prishtinë, në kuadër të veprimeve të vazhdueshme të Drejtorisë së Policisë së Kryeqytetit për kapjen e personave të kërkuar dhe atyre të dënuar për vepra penale.
Sipas njoftimit të Policisë, bëhet fjalë për A.Sh., 20 vjeç, i cili është i dënuar me një vit burgim për veprën penale “vrasje në tentativë”. Pas arrestimit, i njëjti është dërguar në vuajtje të dënimit. Sinjali – aty ku e vërteta flet para lajmit!
Burimi:
sinjali.com