Një aksident rrugor ka ndodhur në Portugali, ku një autobus është përplasur me njerëzit që prisnin në stacionin e autobusit pasi shoferi humbi kontrollin e automjetit. Si pasojë e kësaj kanë humbur jetën dy persona dhe janë plagosur 20 të tjerë. Mediat shkruajnë se aksidenti ndodhi ditën e sotme në periferi perëndimore të Lisbonës, rreth orës .
“Dy viktimat po prisnin autobusin kur u goditën nga autobusi”, tha komandanti i policisë së komunës së Sintra, Francisco Alves, duke folur për mediat lokale. Të vdekurit janë dy gra të moshës 30 deri në 40 vjeç, ndërsa tre të tjerë u plagosën rëndë. Një ekip i madh shpëtimtarësh dhe një njësi e ndërhyrjes psikologjike janë vendosur në vendngjarje.
Duke reaguar ndaj aksidentit automobilistik, kryeministri Luis Montenegro tha se ishte i tronditur në një postim në X.