Në kuadër të aksionit më të madh për pastrimin e vendit, Ministria e Mjedisit dhe Planifikimit Hapësinor njofton se, për herë të parë, qytetarët do të kenë mundësi t’i dorëzojnë mbeturinat e tyre në deponitë sanitare të Kompanisë për Menaxhimin e Deponive në Kosovë (KMDK).
“Ky është një hap i rëndësishëm drejt eliminimit të deponive ilegale dhe krijimit të një sistemi më të rregullt, të sigurt dhe të ligjshëm për menaxhimin e mbeturinave”, thuhet në njoftim. Pranimi i mbeturinave nga qytetarët do të bëhet në deponitë sanitare në: Mirash, Landovicë, Velekincë dhe Dumnicë.
Ministria e Mjedisit dhe Planifikimit Hapësinor, njofton se pranimi do të bëhet çdo të shtunë, nga ora deri në , me tarifë 10.31 euro për ton, ndërsa pagesa do të kryhet vetëm me kartelë bankare. “Në deponi do të lejohen vetëm mbeturinat e parrezikshme, sipas legjislacionit në fuqi, ndërsa mbeturinat e rrezikshme, toksike, spitalore, shpërthyese apo të ndaluara me ligj nuk do të pranohen.
Tashmë qytetarët kanë një mundësi të ligjshme për deponimin e mbeturinave, andaj çdo hedhje e tyre në natyrë apo në vende të papërshtatshme do të trajtohet me tolerancë zero dhe do të ndëshkohet sipas ligjit. Mbrojtja e mjedisit është përgjegjësi e secilit prej nesh” , thuhet në njoftim.