Policia e Kosovës ka njoftuar se gjatë 24 orëve të fundit ka arrestuar shtatë persona të dyshuar për përfshirje në incidente dhe vepra të ndryshme penale. Sipas policisë, arrestimet janë kryer në raste të ndara dhe në rajone të ndryshme të Kosovës. Për të gjitha rastet është njoftuar me kohë prokurori i shtetit, i cili ka ndërmarrë veprimet e nevojshme procedurale.
Me urdhër të prokurorit, gjashtë nga të arrestuarit janë dërguar në mbajtje, ndërsa një person është dërguar në vuajtje të dënimit. Policia ka bërë të ditur se po vazhdon angazhimin për parandalimin dhe luftimin e kriminalitetit në të gjithë territorin e vendit.
Burimi:
Bota Sot