Vesel Bunjaku, i akuzuar për manipulim me prova dhe armëmbajtje pa leje, është dënuar nga shkalla e aprë me 7 muaj dënim me burgim dhe 2 mijë euro gjobë. Bunjaku, në aktakuzën e datës , në konfliktin e armatosur mes grupeve të ashtuquajtura “Capat” dhe “Sekiraqa”, akuzohet se ka kryer veprat penale “manipulim me prova” dhe “armëmbajtje pa leje”.
Gjykata i ka shqiptuar të pandehurit dënimin prej shtatë muajsh burgim për manipulim me prova, dhe dënimin me gjobë prej 2 mijë euro për armëmbajtje pa leje. Në dënimin me burgim të pandehurit do t’i llogaritet edhe koha e kaluar në paraburgim nga data deri më . Pra i akuzuari ka mbajtur plot 7 muaj paraburgim dhe ka shlyer dënimin me burg të shqiptuar nga gjykata.
Dy ditë më parë, në shqyrtimin gjyqësor të këtij rasti, të datës , Bunjaku e pranoi fajësinë për veprat që i ngarkoheshin. Këtu edhe u veçua procedura ndaj tij. Në fjalën e tij përfundimtare në seancën e datës , Bunjaku tha se se natën e 1 shtatorit të viti 2025 kur edhe kishte ndodhur përleshja e armatosur, ai kishte qëlluar rastësisht në lokal.
“Unë atë natë kam qëllu rastësisht, edhe ato armë që po m’i përmend Prokuroria nuk janë të mijat. I kam marrë prej qatyhit, i kam gjujtë qaty. Shihet edhe kur i ka marr Policia. I kom çu në pjesën e pastër të lokalit se jom kon i trishtum” – kishte thënë Bunjaku para trupit gjykues.
Bunjaku ka vazhduar duke thënë se ishte frikësu për jetën e tij kur i ka parë veturat e grupit “Capat” duke ardhur në drejtim të lokalit dhe duke i nxjerrë armët e gjata. Ai shtoi se pas përfundimit të të shtënave, armët vetëm i kishte largu në një vend më të pastër të lokalit, por jo me qëllimin për t’i fshehur ato.
“Kur e kom pa veturën tjetër tu ardh në drejtim temin, unë në terasë ajo u ardhë prej poshtit te nalt, edhe e pash tu i qit armët e gjata prej kerrit, unë menjëherë jom shtri në lokal se kom qenë i friksum për jetën tem se nuk e disha qka po ndodh. Une sapo kisha dal prej burgut, nuk isha hala i sigurt për vetën tem.
Armët i kom marr prej një vendi i kom qit në vendin tjetër, dhe qëllimi nuk ka qenë me i fsheh, bile njonën kur e kom largu karikatori i kish mbet te nalt” – kishte thënë i pandehuri. Përfundimisht, Bunjaku shprehu keqardhje për atë çka ka ndodhur, dhe ka rithksuar se nga veprimet e tij nuk është dëmtuar askush, e as provat. “Ndihem keq për këtë çka ka ndodh.
Kom qëllu në një vend që nuk e kom ditë çka ka me ndodhë. Nga unë nuk u dëmtu askush, as provat” – kishte thënë në fund i pandehuri Vesel Bunjaku. Ky rast u gjykua nga trupi gjykues i njëjtë si në rastin e parë, nga kryetarja Fatime Dërmaku, dhe anëtarët Alltën Murseli dhe Ertan Sejfulla. Historiku i veprimeve për të cilat akuzohet Bunjaku?
Sipas dosjes së Prokurorisë të siguruar nga KALLXO.com ekziston dyshimi i arsyeshëm se me datë , pas përfundimit të gjuajtjeve mes dy grupeve “Capat” dhe “Sekiraqa”, me qëllim të fshehjes dhe manipulimet me prova, i pandehuri Vesel Bunjaku kishte marrë dy armë.
Tutje sipas dosjes së prokurorisë ato dy armë dyshohet se njëra është e të pandehurit Salih Sekiraqës revole me ngjyrë të zezë dhe tjetra dyshohet te jetë e të pandehurit Fatos Abazi me ngjyrë të bardhë.
Sipas dosjes së prokurorisë, i dyshuari Vesel Bunjaku me ç’rast shkon në terrasën e lokalit në drejtim të banakut ku nga kamerat e lokalit vërehet se në dorë mban armë, pastaj del nga pjesa e prapme e lokalit i fsheh armët dhe kthehet në lokal ku në duar nuk kishte më asgjë.
Gjithnjë sipas dosjes së prokurorisë, me datë dhe vend të përshkruar si më lartë i pandehuri ka mbajtur në posedim të paautorizuar armët e zjarrit, të cilat i ka mbajtur në posedim dhe kontroll në kundërshtim me ligjin e zbatueshëm për armët, të cilën armë e janë përdorur si mjete për kryerjen e veprave penale.
Për shkak të veprimeve të lartpërmendura Vesel Bunjaku, dyshohet se ka kryer veprën penale “Manipulim me prova” dhe “Armëmbajtje pa leje”.