Pas eklipsit total diellor të 12 gushtit, qielli i gushtit do të sjellë një tjetër ngjarje të veçantë astronomike. Në orët e para të mëngjesit të 28 gushtit, Hëna do të kalojë përmes hijes së Tokës, duke krijuar një eklips të pjesshëm hënor. Fenomeni pritet të nisë rreth orës , ndërsa maksimumi do të arrihet rreth orës .
Në kulmin e eklipsit, më shumë se 90 për qind e diskut të Hënës do të jetë e zhytur në hijen e Tokës, duke i dhënë asaj nuanca karakteristike të kuqërremta. Ky fenomen, i njohur gjerësisht si “Hëna e gjakut”, ndodh për shkak të mënyrës se si atmosfera e Tokës filtron dhe shpërndan dritën e Diellit.
Për këtë arsye, Hëna nuk zhduket plotësisht në errësirë, por mund të marrë ngjyra që variojnë nga bakri i artë deri te e kuqja e errët. Astrofotografja italiane Alessandra Masi shpjegon se eklipsi hënor i 28 gushtit dhe eklipsi diellor i 12 gushtit janë pjesë e së njëjtës sezon eklipsesh.
Këto periudha krijohen kur Dielli ndodhet pranë nyjeve të orbitës së Hënës, duke bërë të mundur që brenda rreth dy javësh të ndodhin dy eklipse. Ndryshe nga eklipsi diellor, këtë herë është Hëna ajo që kalon përmes hijes së Tokës. Një nga momentet më interesante për vëzhguesit dhe fotografët do të jetë pikërisht maksimumi i eklipsit.
Në atë kohë, Hëna do të jetë shumë pranë horizontit perëndimor, duke krijuar mundësi për fotografi spektakolare, me Hënën në të njëjtin kuadër me male, ndërtesa apo elementë të tjerë të peizazhit. Megjithatë, drita e agimit mund ta bëjë më të vështirë fotografimin, për shkak të kontrastit më të ulët mes Hënës dhe qiellit.
Pikërisht kombinimi i dritës së mëngjesit me ngjyrat e eklipsit mund të krijojë pamje veçanërisht mbresëlënëse, përcjell ABC News. Sinjali – aty ku e vërteta flet para lajmit!