Fadil Muriqi pranë Bobanit në spitalin e Prishtinës, një ngjarje që nuk harrohet e vitit 1984 Edhe sot kujtohet data e 28 marsit (ditë e mërkurë) të vitit 1984 në stadiumin e Prishtinës. Në minutën e parë, Fadil Muriqi ia theu këmbën futbollistit të Sarajevës, Boban Bozhoviqit. Kjo ndodhi gjatë një starti! Të gjithë u habitën, starti ishte pa qëllim, por futbolli është i tillë.
Prishtina fitoi ndeshjen me rezultat 4:0 ndaj Sarajevës, ku ishin të pranishëm mbi 30 mijë shikues. Pas kësaj jave (java e 24-të) Prishtina renditej në vend të 10-të me 24 pikë dhe Sarajeva në të 12-tin me 22 sosh. Fadil Muriqi me të vëllanë (Xhevdetin), i takuam pranë krevatit të Bobanit: “Jam shumë i prekur. Po ç’ti bësh, ishte pa qëllim e kjo mund t’i ndodh gjithkujt.
Mua në dy vjetët e fundit nuk më ka ndodhur të marr as karton të verdhë, por qe… Sporti i ka edhe lëndimet”, ka thënë Fadil Muriqi për “Rilindjen e datës 29 mars të vitit 1984, “Ç’ti bësh, në sport ndodhë edhe kjo, sidomos në futboll, që është lojë burrash”, kishte thënë Bobani.